Schloßgoischd´r-Lied
Schloßgoischd´, Schloßgoischd´, jetzt isch wieder Fasnetszeit ond dr Rote Löwe brüllt.
Jetzt kommt, jetzt kommt, jetzt kommt onser schönsta Zeit ond älle Goischd´r wärat wild.
1. Des ganze Johr lang freiat mir ons uf dui Fasnetszeit, auf´s feschda mit Musik ond Bier, auf d´Stimmung ond auf d´Fröhlichkeit. Daß d´Fasnet ons glückselig macht, des isch doch gar koi Frog je Alltag hemmer viel zu oft mit Ärger, Streß ond Plog.
Schloßgoischd´, Schloßgoischd´….
2. Ziagsch du no a dei Fasnetshäs ond setzsch dui Maske auf, du sengsch jetzt isch dr Deifel los ond masch mit mir oin drauf. Dr Ewald suacht no schnell sein Schwanz :“Gerlind, wo hosch an na?“ Jetzt isch dr Löwe wieder ganz, s isch ällas wieder dra.
Schloßgoischd´, Schloßgoischd´…..
3. Mir juckat d Stroßa auf ond ab bei manchem Narrasprong, drbei triffsch oft en netta Krabb´des hält de fit ond jong. Zom schlofa bleibt dr faschd koi Zeit, i denk dass du des woisch, komm schrei mit mir da Narraruf :
Schloß – goischd´, Schloß – goischd´, Schloß – goischd´
4. Doch plötzlich , ja do isch´s soweit, dui Fasnet isch vorbei, dr Aschermittwoch isch scho do ond s´gibt a großes Gschroi, komm heul mit mir am Narrabaum , sonsch bisch koi rechter Goischd´, doch frei mr ons ufs nächste Johr wenn´s endlich wieder hoißt :
Schloßgoischd´, Schloßgoischd´…..
Schloßgoischd´, Schloßgoischd´……